Ledzdns beim aufrahma vom Kichnschub had da Rudi an Gudschein gfunna, den er vor zwa Johr zum Geburdsdoch gschengd grichd had. Draaf is gschdandn „Essen für zwei bei Yan You Ciao“, also vom Kinesn. Do had na Rudi sei Fraa gsogt, dass se etz unbedingd mol do higeh missn, wal sonsd der Kupong verfälld – wenners ned scho is. Der Rudi moch wärg-lich alles, griechisch, idaljenisch, sogor indisch haud er ab und an moll nei, ober kinesisch? Do bleeds ihn imma so auf wecha dem Gludamad. Wenn ober sei Fraa unbedingd do moll hi will, dann machd er ihr hald die Freid.